A 1ª xornada da Liga Máster nádase o vindeiro domingo en Carballo

Na mañá do próximo domingo día 20 de outubro de 2019, a Municipal Carballo Calero de Carballo será a pileta que acolla a primeira xornada da Liga Galega Máster de Natación grazas a colaboración do Concello de Carballo e Carballo Deporte. Á cita carballesa acudirán un total de 94 nadadores, 35 mulleres e 59 homes, dos 13 clubs galegos que tomarán parte neste arranque ligueiro no seu grupo norte. Aos da AD.Fogar de Carballo e Oleiros poñeremos en liza a un equipo conformado por 13 nadadores, das que 2 son mulleres e os 11 restantes son homes. Os nosos mestres nadarán en Carballo un total de 25 probas a título individual e 2 de substitucións por equipos, dentro dun programa que inclúe nesta primeira cita as probas dos 200 m costas e bolboreta, os 50 m braza e libres e os 100 m estilos nas categorías feminina, masculina e mixta, ademais da substitución dos 4x50 m libres mixtos. Os informes de inscrición, o sumario de participantes e as listas de saídas están dispoñibles para a súa consulta como documentos adxuntos a esta mesma nova.