Faleceu Pedro Luis Fernández, directivo fundador e socio do Fogar

Os que formamos parte da familia social e deportiva da Agrupación Deportiva Fogar da Xuventude estamos consternados tras o falecemento esta mañán de Pedro Luis Fernández Pombo, directivo fundador e socio honorífico desta entidade deportiva. Pedro, sen máis, como lle coñeciamos tod@s, fora vogal da nosa entidade na primeira xunta directiva constituída alá por outubro de 1988. Na actualidade Pedro practicaba a natación como socio do clube e encargábase tamén da coordinación do comité local de árbitros de natación en Carballo como membro do comité galego da FEGAN. Desde a xunta directiva actual e en nome de tod@s @s técnic@s, soci@s, deportistas, amigos e simpatizantes do nosa entidade, queremos solidarizarnos coa súa familia neste momento tan duro, facéndolles chegar o noso máis sincero pésame e decretando dous días de loito oficial na súa memoria. E a ti Pedro ali onde estés o noso agradecemento por todo o que nos achegaches desde o máis fondo do teu xeneroso ser. MOITAS GRAZAS AMIGO, SEMPRE CONNOSCO. DEP.