O Galego de Fondo achegará a Carballo a 121 Mestres


 15 Marzo, 2019   Máster 

O Galego de Fondo achegará a Carballo a 121 Mestres

O vindeiro domingo día 17 de marzo de 2019 a Piscina Municipal Carballo Calero albergará a X Edición do Memorial Gerardo Steudel, reconvertido esta tempada en Campionato Galego de Fondo no que tomarán parte 22 equipos representados por 121 Mestres, 52 mulleres e 69 homes. A organización da competición corresponde á Federación Galega de Natación e a AD.Fogar en colaboración con Concello de Carballo e Carballo Deporte. A pileta estará dispoñible para os nadadores desde as 9:00 horas coa quenda de quecemento que se estenderá ata as 10:00, momento no que comezará a competición coas 6 series dos 1500 libres mixtos. Acto seguido disputaranse as 5 series restantes dos 800 libres tamén en formato mixto. Os de Carballo e Oleiros tomaremos parte con 5 nadadores, 1 muller e 4 homes, dos cales 2 nadarán a distancia dos 1500 e os 3 restantes a de 800. Toda a información sobre este Campionato Galego de Fondo e X Memorial Gerardo Steudel podedes consultala na ligazón https://www.fegan.org/mp/default/post/351. Ademais no arquivo adxunto a esta mesma nova tedes a nosa inscrición coa relación nominal de nadadores e probas e a listaxe de saídas da xornada.

Xunta de Galicia - Conselleria de cultura e deporte     Diputacion da Coruña     Concello de Carballo     Patronato deportivo de Carballo     Concello de Oleiros     Oleiros Deporte     Federación española de tríatlon     Federacion española de natación     Federacion gallega de tríatlon     Federación gallega de natación     Carballo a un Paso