2 Medallas, 2 topes nacionais e 1 récord do club no Juan Varela

O pasado sábado día 4 de maio de 2019, 13 dos nosos nadadores (4 mozas e 9 mozos) desprazábanse ata Ferrol con motivo da disputa do XXXIX Memorial Juan Varela https://memorialjuanvarela.blogspot.com/; o torneo organizado polo CN. Marina Ferrol mobilizou a 18 clubs e 226 nadadores galegos, asturianos e portugueses. En canto ao concurso dos nosos temos que destacar a Nana Suárez (2005), que lograba facerse coa medalla de prata na proba dos 200 m estilos batendo a mellor marca do club de 14 anos, e acadando a mínima para o Campionato de España Infantil de Verán cun rexistro de 2.33.16. Para este mesmo campionato sumaba tamén unha nova mínima Miguel Abelenda (2004), desta volta na proba dos 200 m libres cunha marca de 2.01.03. Outro que subía ao podio era Manuel Verdes (2000), e facíao como segundo clasificado na proba dos 100 metros braza. No cómputo global os da AD. Fogar de Carballo e Oleiros fomos 12º conxuntos por equipos. No apartado de descargas natación desta mesma web podedes atopar os resultados do trofeo internacional ferrolán.