24 d@s nos@s nadadores-as compiten en Carballo e Ourense

Outra fin de semana intensa para @s nos@s nadadores-as; o sábado día 29 de maio a Piscina Municipal Carballo Calero acollerá a 5ª xornada da Liga Galega Benxamín en horario de tarde (16:00 horas), onde tomarán parte 17 d@s nos@s, 10 nenas e 7 nenos que ocupan a 5ª praza masculina, a 12ª feminina e a 10ª conxunta dos 24 equipos que conforman a categoría. O mesmo sábado pero en sesións de mañán e tarde unha representación de 7 nadadores-as, 5 mozos e 2 mozas, tomarán parte no XLIX Trofeo Internacional Pedro Escudero de Ourense que organiza na piscina Municipal Rosario Dueñas o Club Natación Pabellón Ourense https://www.cnpourense.es/pedro-escudero. As convocatorias d@s nos@s, as listaxes de saídas e os protocolos anticovid para o sábado xa están dispoñibles no apartado descargas natación desta mesma web, onde podedes atopar tamén as normativas das Ligas Galegas de Natación e o XLIX Trofeo Internacional Pedro Escudero.