25 Nadadores representarannos no Trofeo Cidade de Narón

O vindeiro sábado día 24 de novembro de 2018, 25 nadadores e nadadoras de Carballo e Oleiros representarannos na 26ª Edición do Trofeo Cidade de Narón e 16º Memorial Javier Lago, que se disputará en horario de tarde na Pileta Municipal da Gándara. Ademais da AD.Fogar e o anfitrión do torneo o CN.Narón, foron convidados outros 15 clubs, o ADT.Oleiros, o CN.Arteixo, o CN.Arzúa, o CN.Cedeira, o CN.Coruña, o CN.Ferrol, o CN.Galaico, o CN.Marina, o CN.Pabellón, o CN.Portamiñá, o CN.Redondela, o CN.Riveira, o CN.Santiago, o CN.USC e o CN.Xove. En canto á participación dos nosos, comentar que presentamos un equipo formado por 15 nadadores e 10 nadadoras das categorías infantil, junior e senior que se repartirán un concurso individual de 50 probas, ademais das remudas por equipos mixtos dos 4x50 libres e estilos. Ademais dos trofeos aos 3 primeiros cubes clasificados pola suma do total dos puntos conseguidos, a organización premiará tamén ás tres mellores marcas por táboa FINA, tanto en categoría masculina como feminina. Toda a información referente a este  XXVI Trofeo Cidade de Narón e XV Memorial Javier Lago pode consultarse na páxina do torneo http://www.nauticonaron.com/webtrofeo.htm, ademais achegamos a esta noticia a convocatoria de probas dos nosos nadadores para o evento.