Os vindeiros sábado día 26 e domingo día 27 de xuño de 2021 en sesións de mañá e tarde, 9 nadadores-as da AD. Fogar de Carballo e Oleiros tomarán parte no Campionato Galego Alevín de Verán que se disputa na piscina do Complexo Deportivo Rías do Sur en Pontevedra. O torneo estival contará coa presenza de 26 equipos e o concurso de 191 nadadores-as da nosa comunidade autónoma, 75 en categoría feminina e 116 na masculina. En canto á nosa representación confórmana un total de 9 nadadores-as, que chegan no seu mellor momento de forma; son 8 nenos e 1 nena que ao longo da fin de semana nadarán un total de 32 probas, 29 a título individual e outras 3 de substitucións por equipos. No apartado descargas natación desta mesma web podedes consultar a convocatoria e o programa de probas a nadar pol@s nos@s representantes, ademais para ampliar a información sobre o evento podédesvos dirixir á páxina oficial da Fegan a través da seguinte ligazón https://www.fegan.org/mp/post/2047