A Municipal da Gándara en Narón sede da Liga Galega de Clubs


 24 Xaneiro, 2019   Natación 

A Municipal da Gándara en Narón sede da Liga Galega de Clubs

O vindeiro sábado día 26 de xaneiro de 2019, a Piscina Municipal da Gándara en Narón será a sede que acolla en horario de tarde, a segunda das tres Xornadas Preliminares da Liga Galega de Clubs na súa terceira división. Despois da primeira xornada celebrada en Carballo en novembro os da AD.Fogar lideramos a clasificación provisional con 7 puntos, 2 por diante de Narón que suma 5 e 3 por diante do Universitario de Santiago que leva 4 puntos (https://www.fegan.org/fegan/tprd/1819/snat/res/liga_gal_clubes/clasificacions.pdf). Nesta segunda rolda concursaremos cun equipo de 18 nadadores, 8 mulleres e 10 homes, entre os que nadarán as probas individuais dos 50, 100, 200 e 1500 metros libres, os 50 braza, os 100 costas e estilos e os 200 bolboreta; ademais das remudas por equipos dos 4x100 e 200 libres. Os 3 primeiros clasificados desta fase preliminar loitarán polo título e tan só os 2 primeiros consumarán o ascenso á segunda división. Na documentación anexa a esta noticia podedes consultar a lista de saídas da xornada e a inscrición dos nadadores e nadadoras de Carballo e Oleiros.

Xunta de Galicia - Conselleria de cultura e deporte Diputacion da Coruña Concello de Carballo Patronato deportivo de Carballo Concello de Oleiros Oleiros Deporte Carballo a un Paso Federación española de tríatlon
Federacion gallega de tríatlon Federacion española de natación Federación gallega de natación Real Federación Española de Atletismo Federación Galega de Atletismo

Utilizamos cookies propias y de terceros para optimizar tu visita. No utilizamos cookies para recoger información de carácter personal.

Puedes permitir su uso o rechazarlo y cambiar su configuración cuando lo desees.

Cerrar

Más información en nuestra Política de Cookies.