A Terceira División da Liga Galega de Clubs arrinca en Carballo


 31 Outubro, 2018   Natación 

A Terceira División da Liga Galega de Clubs arrinca en Carballo

O vindeiro sábado día 3 de novembro de 2018, desde as 15:30 hs; a Piscina Municipal Carballo Calero da Zona Bergantiños en Carballo, será por terceiro ano consecutivo a sede que acolla a primeira das tres Xornadas Preliminares da Liga Galega de Clubs na súa Terceira División. Para a organización da proba os da AD.Fogar contamos coa colaboración da Federación Galega de Natación, O Concello de Carballo e Carballo Deporte. Os nosos nadadores, que a pasada campaña asegurábanse a permanencia ao finalizar terceiros, medirán este ano as súas forzas cos equipos da ADN.Narón, ADT.Oleiros, CN.Monforte, CN.Mos e Universitario de Santiago co obxectivo de loitar polo título, e acadar o ascenso a segunda división. Nesta primeira rolda concursaremos como locatarios con 21 dos nosos nadadores, 9 da categoría feminina e outros 11 da masculina, entre os que se repartirán as probas individuais dos 50, 100 e 400 metros libres, os 100 braza e bolboreta e os 200 costas e estilos; ademais das remudas por equipos dos 4x50 estilos e os 4x100 e 200 libres. Os 3 primeiros clasificados desta fase preliminar loitarán polo título e tan só os 2 primeiros consumarán o ascenso á segunda división. A normativa ligueira e a clasificación da tempada pasada están dispoñibles no apartado descargas natación desta mesma web, ademáis como documentación anexa a esta noticia podedes consultar tamén a lista de saídas e o sumario de participantes da xornada carballesa.

  •  
Xunta de Galicia - Conselleria de cultura e deporte     Diputacion da Coruña     Concello de Carballo     Patronato deportivo de Carballo     Concello de Oleiros     Oleiros Deporte     Federación española de tríatlon     Federacion española de natación     Federacion gallega de tríatlon     Federación gallega de natación     Carballo a un Paso