A Toma de Tempos oficial do Fogar congrega a 50 nadadores-as

Mañán sábado día 2 de abril de 2022 a Piscina Municipal Carballo Calero en Carballo, acollerá coa presenza de público a 1ª Toma de Tempos Oficial da tempada que a A.D.Fogar desenvolverá en horario de tarde (quecemento 16:45 horas e competición 18:00 horas). Para a proba os técnic@s do club veñen de convocar a 50 nadadoras e nadadores das categorías alevín, infantil, júnior e absoluta, das que 31 pertencen á categoría feminina e os 19 restantes á masculina. Ademáis d@s nos@s tomarán parte tamén 7 nadadores-as do Club do Mar de San Amaro. O programa de probas da xornada inclúe os 50, 100, 200, 400, 800 e 1500 metros libres, os 50, 100 e 200 metros bolboreta, costas e braza e os 100, 200 e 400 metros estilos. A convocatoria d@s nos@s, a listaxe de saídas e os protocolos anticovid deste evento están dispoñibles no apartado descargas natación desta mesma web.