Anxo Fuentefría convocado para o Clínic de Saídas RFEN-FEGAN

Mañá á tarde na Piscina Municipal da Frigsa de Lugo a FEGAN ten previsto realizar unha xornada de Tecnificación de Natación (clínic RFEN - técnica de saídas) a cargo de Santiago Veiga, coordinador de clínics de tecnificación da RFEN e Bart Kizierowski, adestrador dos Madrid Bears e nadador e adestrador olímpico. A esta xornada están convidados todos os adestradores dos clubs galegos, así como os nadadores que figuran na convocatoria adxunta a esta mesma nova. No que ao noso club respecta tomarán parte o nadador alevín Anxo Fuentefría e o seu adestrador Héctor García. Mañá pola tarde ainda que desta volta na Piscina Municipal de Riazor, 24 d@s nos@s nadadores-as participarán na 5ª Xornada da Liga Galega Benxamín na que os de Carballo e Oleiros estamos a ocupar a 13ª praza provisional dos 29 equipos que están a puntuar. No apartado de descargas natación desta mesma web podedes atopar tanto a convocatoria como as series da xornada benxamín.