Así nos foi no Campionato Galego de Longa Distancia P25

O pasado sábado @s nadores-as Paulo Rivas (2008), Clara Rey (2007) e Pablo Gil-Rivera (2006), desprazábanse ata Pontevedra para representarnos na XIV Edición do Campionato Galego de Longa Distancia en Piscina que coincidía coa fase territorial de carácter clasificatorio para o XXI Campionato de España da modalidade. No desenvolvemento da proba @s nos@s callaron unha boa actuación; pola mañá Paulo Rivas remataba 7º infantil nos 2.000 metros libres perdendo un posto respecto ao seu tempo de inscrición. Xa pola tarde na distancia dos 3.000 metros libres, Clara Rey facíase coa 7ª praza na categoría júnior 1 mentres que Pablo Gil-Rivera acadaba a 9ª praza masculina nesta mesma categoría, mellorando 2 e 3 postos respectivamente sobre os seus tempos de inscrición. Na clasificación final por equipos fomos 6º masculinos, 11ª femininas e 7º conxunt@s dun total de 15 clubs. Podedes consultar os resultados d@s nos@s no apartado de descargas natación desta mesma web.