Gran fin de semana de Anxo Fuentefría coa Selección Galega

Anxo Fuentefría Fernández (Carballo 2009), callaba a pasada fin de semana en Oviedo unha actuación impecable coa Federación Galega de Natación no IX Campionato de España de Natación Alevín por Seleccións Autonómicas. A título individual o noso foi 8º nos 200 metros braza, 12º nos 100 braza e 13º nos 200 estilos, nadando as tres probas nos seus mellores rexistros persoais e batindo os récords do clube de 14 anos nos 50, 100 e 200 braza en tempos de mínimas nacionais. A título colectivo Anxo nadou tamén as tres substitucións por equipos do combinado galego masculino nas que foi 11º nos 4x100 estilos e 13º nos 4x100 e 4x200 libres. A Selección Galega Alevín rematou este Campionato de España Escolar na 9ª posición feminina, na 11ª masculina e na 8ª conxunta. No apartado de descargas natación desta mesma web podedes consultar os resultados das probas nas que participou Anxo.