Manuel Verdes e Yoel Suárez no Nacional Absoluto de Palma

Manuel Verdes e Yoel Suárez atópanse desde onte en Palma de Mallorca para tomar parte no LXV Campionato de España Absoluto de Natación de Inverno en piscina curta (25 metros) que se celebra nas instalacións municipais de Son Hugo desde hoxe día 25 e ata o vindeiro domingo día 28 de novembro. A máxima competición nacional conta neste ciclo invernal coa presenza de 138 clubs e 623 nadadores-as, 352 mozos e 271 mozas e celébrase a porta pechada sen a presenza de público. O nosos dous representantes que viaxan ás ordes de Héctor García, nadarán a proba dos 100 metros braza nas eliminatorias matinais da xornada do sábado día 27 de novembro cara ás 10:10 horas na terceira das series, Manuel pola rúa dous e Yoel pola seis. Toda a información relativa a este LXV Campionato de España Absoluto de Natación de Inverno de Palma en piscina curta podedes atopala na seguinte ligazón https://rfen.es/es/section/web-absoluto-invierno-p25-2021-2022