Monforte acolle a derradeira preliminar da Liga Galega de Clubs


 28 Marzo, 2019   Natación 

Monforte acolle a derradeira preliminar da Liga Galega de Clubs

O vindeiro sábado día 30 de marzo de 2019 a Piscina Municipal de Monforte será a sede que acolla, en horario de tarde, a derradeira das xornadas preliminares da Liga Galega de Clubs na súa terceira división. Despois da segunda xornada celebrada en Narón no mes de xaneiro, os da AD.Fogar de Carballo e Oleiros lideramos a clasificación provisional con 14 puntos, 4 por diante da ADN.Narón que suma 10 e 6 máis que o Universitario de Santiago que leva 8 puntos: https://www.fegan.org/fegan/tprd/1819/snat/res/liga_gal_clubes/clasificacions.pdf. Nesta terceira rolda concursaremos cun equipo de 20 nadadoras e nadadores, 8 mulleres e 12 homes, entre os que nadarán as probas individuais dos 200 e 800 metros libres, os 200 braza, os 50 bolboreta e costas e os 400 estilos; e tamén as substitucións por equipos dos 4x50 libres e os 4x100 estilos. Nesta xornada chéganos coa terceira praza para rematar primeiros da fase preliminar, o que nos dá dereito a loitar polo título en Carballo. Na documentación anexa a esta noticia podedes consultar a lista de saídas da xornada e a inscrición dos nadadores e nadadoras de Carballo e Oleiros.

Xunta de Galicia - Conselleria de cultura e deporte     Diputacion da Coruña     Concello de Carballo     Patronato deportivo de Carballo     Concello de Oleiros     Oleiros Deporte     Federación española de tríatlon     Federacion española de natación     Federacion gallega de tríatlon     Federación gallega de natación     Carballo a un Paso