Nana, Miki e Nano pechan a tempada nos nacionais de verán

Nana Suárez Kitahori e Miguel Abelenda Pérez (Miki) participarán no XLI Campionato de España de Natación Infantil de Verán a disputarse en Barcelona do 27 ao 30 de xullo con 251 clubs e 790 nadadores en liza https://rfen.es/es/section/infantil-verano-2019. Nana de 14 anos de idade tomará parte nas probas de 100, 200 e 400 metros libres e tamén na de 200 metros estilos. Miki de 15 anos fará o propio nas probas dos 100, 200, 400, 800 e 1500 metros libres. Pola súa banda Alejandro Méndez García (Nano) farao en Terrasa do 3 ao 7 de agosto no XLI Campionato de España de Natación Júnior de Verán que contará coa presenza de 210 clubs e 779 nadadores https://rfen.es/es/section/absoluto-junior-verano-2019. Nano de 17 anos tomará parte na proba dos 100 metros libres. Os tres chegan no seu mellor momento de forma da man do seu adestrador Héctor García Soto.