Os nosos nadadores entre os mellores do Trofeo Da Madalena

A sesión matinal da 2ª xornada do XXXIV Trofeo Da Madalena disputada hoxe deixóunos a 3ª praza infantil de Andrés Prieto nos 200 costas, o 3º posto infantil de Daniel Pardo nos 200 estilos, o triunfo sénior de Elisa Pichel tamén nos 200 estilos, o 2º posto infantil de Miguel Abelenda nos 100 bolboreta, o 3º posto júnior de Alejandro Méndez na mesma proba, o 3º posto infantil de Lucía Romanelli tamén nos 100 bolboreta, e o 2º posto infantil de Nana Suárez nos 100 libres. No que á clasificación conxunta por clubes se refire rematamos esta 2ª sesión na 6ª praza con Nana Suárez e Miguel Abelenda como serios candidatos a gañar esta tarde a clasificación individual pola suma dos puntos Fina das 3 probas do torneo.