16 Triatletas acoden á Toma de Tempos Autonómica do P.N.T.D.

O vindeiro sábado día 13 de marzo de 2021, 16 triatletas da AD.Fogar e os Concellos de Carballo e Oleiros, representarannos en Lugo na Toma de Tempos Autonómica do Programa Nacional de Técnificación Deportiva de Tríatlon. Para a cita os adestradores do clube veñen de convocar a seis triatletas da categoría cadete (3 rapazas e 3 rapaces), outr@s seis da xuvenil (2 mozas e 4 mozos) e catro da júnior (mozos todos) que en xornadas de mañá e tarde testarán nas instalacións municipais de As Pedreiras da Zona Universitaria os 100 e 400 metros libres de natación e os 200 e 1.000 metros de carreira a pé. Pola mañá disputaranse os controis de natación en piscina cuberta e pola tarde as probas de carreira a pé en pista descuberta. No apartado descargas tríatlon desta mesma web podedes atopar a inscrición d@s nos@s. 
INFORMACIÓN AUTONÓMICA PNTD
INFORMACIÓN NACIONAL PNTD