Andrés Prieto tomará parte o domingo no Dúatlon de Valdebebas

Ás 9 horas do vindeiro domingo día 29 de xaneiro de 2023, Andrés Prieto da A.D. Fogar de Carballo en Oleiros, tomará a saída do XIII Dúatlon Supersprint de Valdebebas. A proba discorrerá pola localidade madrileña sobre un circuíto de 3 quilómetros de carreira a pé, 10 quilómetros de ciclismo e outros 1,7 quilómetros de carreira a pé. Andrés agarda poder estar novamente entre os mellores da proba tal e como aconteceu a pasada semana no Dúatlon Sprint de Tres Cantos, onde rematou a proba na segunda praza absoluta logo dun sprint final de infarto. O primeiro clasificado foi Pelayo González que parou o crono en 53'44'', segundo foi Andrés que fixo o propio en 53'45'', mesmo tempo que acadaba Juan González o terceiro en discordia. Os resultados deste Dúatlon de Tres Cantos podedes consultalos en descargas tríatlon desta mesma web.