14º posto para os nosos no Nacional de Cros por Clubs sub 20

Esta fin de semana a localidade burgalesa de Atapuerca acolleu o Campionato de España de Campo A Través por clubs nas categorías sub-16, sub-18, sub-20, sub-23 e absoluta feminina e masculina ademáis da remuda mixta absoluta. No mesmo tomaron parte máis de 3.000 atletas en representación duns 200 clubs na contorna do Centro de Arqueoloxía Experimental de Atapuerca. En canto á participación do noso equipo sub 20 masculino, compre dicir que estiveron á altura da cita tras acadar un meritorio 14º posto por equipos dos 39 participantes; con Iago Prada 67º, Roque González 71º, Adrián Sancho 79º, Nuno Moure 89º e Hugo Souto 102º, dos 283 atletas menores de 20 anos. Na categoría sub 16 e a título individual, Adrián Fuentefría tamén callou unha boa carreira rematando no posto 127 dos 429 atletas participantes. Resultados que podedes atopar no apartado de descargas atletismo desta mesma web.
#aindasenpistahaiatletismo