Antonio Remuiñan 1º medallista da Sección de Atletismo do Fogar

Antonio Remuiñán (1950) abría unha nova páxina na historia da A.D. Fogar, facíao nos Campionatos Galegos de Medio Fondo e Fondo da categoría máster celebrados o pasado domingo na Pista de Atletismo do C.G.T.D. de Pontevedra. O noso atleta da man do seu adestrador Alejandro López, estreaba o medalleiro da nosa nova sección de atletismo cun hat trik de ouros; os que acadaba nas tres probas nas que participaba na categoría de 70 a 74 anos, os 400 m.l. (1:25.81), os 800 m.l. (3:21.48) e os 1500 m.l. (6:39.50). Pola súa banda Tesfayé Chao (2008) da categoría sub14, remataba o sábado na 4ª praza do concurso de altura do Campionato Galego de Pista Cuberta de Ourense. Tes que saltou á primeira 1.25 e 1.29 metros, e a pesar de acreditar esta tempada unha mellor marca persoal de 1.36, non foi quen de superar o listón na altura de 1.34 nos seus tres intentos. Os resultados dos nosos podédelos atopar no apartado descargas da sección de atletismo desta mesma web.