Anxo Bello foi convocado pola Federación Galega de Atletismo

Logo de ser convocados pola Federación Galega Atletismo, Anxo Bello e o seu adestrador Álex Pardo tomaron parte na xornada técnica de fondo e medio fondo que tivo lugar o pasado venres día 29 de decembro nas instalacións cubertas da Expourense. O contido da xornada estivo centrado na técnica, a mecánica e a eficiencia da carreira, a frecuencia e amplitude da zancada, a forza explosiva, a exercitación da potencia aeróbica a través do traballo interválico e o ritmo de carreira. Noutro orde de cousas compre subliñar tamén que sete dos nosos correrán o vindeiro domingo día 7 de xaneiro o Campionato Galego de Campo a Través no circuíto de A Veronza en Ribadavia. Na categoría sub 20 representarannos Hugo Martínez e Nuno Moure mentres que na categoría sub18 farano o propio Anxo Bello, Adrián Sancho, Iago Prada, Michel Núñez e Roque González.