Bo concurso dos nosos atletas no Galego Sub 18 de Pista Cuberta

Diego Grille, Mateo Castro e José Manuel Negreira da A.D. Fogar de Carballo e Oleiros tomaron parte o pasado sábado día 19 de febreiro de 2022, no Campionato Galego Sub18 en Pista Cuberta. O torneo autonómico disputouse na cidade das Burgas onde os nosos tres representantes ademais de mellorar os seus respectivos rexistros persoais establecían as mellores marcas do club de 16 e 17 anos. Diego Grille de 17 anos facíao nos 800 m.l. cun tempo de 2.09.72, Mateo Castro de 16 anos nos 60 m.l. con 8.46 e José Manuel Negreira tamén de 16 anos nos 800 m.l. con 2.20.23 e no concurso de altura cun salto de 1.66. En canto ás clasificacións compre destacar a 9ª praza de Diego gañando a final B e o 8º posto de Chema en altura. Resultados que podédes atopar no apartado descargas atletismo desta mesma web.