Bo concurso d@s nos@s atletas no Trofeo Reconquista de Vigo

Seis d@s atletas da AD.Fogar de Carballo e Oleiros competiron o pasado sábado día 1 de abril no XXXIV Reconquista, Trofeo Antonio Fernández, disputado na Pista de Atletismo de Balaídos en Vigo; onde @s nos@s estableceron sete mellores marcas do club. Diego Grille estableceu os rexistros absolutos dos 100 (11''79) e os 400 m.l. (51''87), Andrea Lamas os de 17 anos dos 100 (13''69) e os 400 m.l. (1'03''25), Pedro Mesejo o de 100 m.l. de 17 anos (11''98), Hugo Martínez o de 3.000 m.l. de 17 anos (9'36''81) e Sara Gabín o desta mesma distancia dos 16 anos (12'23''51). Os mellores resultados para @s do Fogar foron o 3ª praza absoluta de Andrea Lamas nos 400 e o 6º posto absoluto de Diego Grille na mesma distancia, resultados que podedes atopar no apartado de descargas atletismo desta mesma web.