Bronce galego sub16 para Ana Ézara no Barco de Valdeorras

O pasado domingo día 3 de novembro disputouse na localidade de Vilamartín de Valdeorras o Campionato Xunta de Galicia trail running de subida vertical no que tomou parte a nosa atleta Ana Ézara Andrade (2010). Nun trazado moi esixente sobre a distancia de 2400 metros, unha altitude de 650 metros e pendentes do 10, 20 e 30%, Ana foi quen de rematar a proba en 46 minutos e 57 segundos acadando a medalla de bronce na categoría sub16 por detrás de Lucía Taboada da SD.Compostela e máis Helia García do CA.Ribadeo. Os resultados deste Campionato Xunta de Galicia de trail running podedes consultalos no apartado de descargas atletismo desta mesma web. O mesmo domingo os nosos atletas, Anxo Bello na catgoría sub18 e Román Ponte na sub10, subiron tamén ao terceiro caixón do podio no Cros Nacional Ponte Romana de Lugo.