Mondego e Atapuerca vindeiras citas para 38 d@s nos@s

38 d@s nos@s atletas tomarán parte esta fin de semana en 2 das frontes competitivas dos calendarios rexional e nacional de atletismo na súa modalidade de Campo a Través. 31 destes-as atletas pertencentes as categorías benxamín, alevín, infantil e cadete farano o sábado pola mañá na localidade de Mondego en Sada, lugar onde arrincará a Fase Local de Campo a Través para a zona de A Coruña dentro do Programa Escolar Xogade; proba clasificatoria para a Fase Intercomarcal previa ao Campionato Provincial. Os 7 restantes correrán o domingo en Burgos o prestixioso Cross de Atapuerca, dos que 6 desputarán ademáis o Campionato de España de Campo a Través por equipos sub16 na categoría masculina. Anxo Bello, Hugo Souto, Adrián Sancho, Berket López, Joel Barcia e Michel Núñez, que veñen de clasificar para o nacional como Campións Galegos, tentarán mellorar a 23ª praza nacional acadada a tempada pasada nesta mesma categoría polos de Carballo e Oleiros na localidade sevillana de Santiponce.