Prata dos nosos atletas na proba de ruta dos XIV Xogos do Eixo

O pasado martes día 5 de xullo, oito nadadores-as e catro atletas da AD.Fogar representaban ao Concello de Carballo na localidade portuguesa de Maia, nos XIV Xogos do Eixo Atlántico. Na xornada matinal Carla Mourelle, Clara Rey, Sara Barbeira e Valeria Rodríguez na categoría feminina e Anxo Fuentefría, Manuel Souto, Oscar Alberte e Pablo Gil na masculina, tomaban parte nas probas de natación; e a pesar da xuventude d@s nos@s clasificaron 15º na masculina e 17º na feminina dos 22 concellos participantes. Desta volta os mellores no individual foron, Clara Rey 7ª nos 200 estilos, Manuel Souto 8º nos 100 libres e Pablo Gil 9º nos 200 estilos. E na xornada vespertina, Anxo Bello, Berket López, Hugo Souto e José M. Negreira corrían a proba de ruta na que remataban nunha meritoria 2ª praza por equipos acadando a medalla de prata para Carballo, no individual Anxo foi 6º, Hugo 8º, José Manuel 19º e Berket 29º. Resultados que podedes atopar nos apartados de descargas de atletismo e natación desta mesma web.