Tesfayé Chao mellora o seu rexistro no Galego de Pontevedra

Tesfayé Chao (2008) atleta sub14 da A.D. Fogar, competía o pasado domingo nos 500 metros lisos do Campionato Galego de Medio Fondo e Fondo celebrado na pista descuberta do C.G.T.D de Pontevedra. Pista que volvía a ser talismán para o de Carballo e Oleiros logo de que o pasado 27 de febreiro acadara nesta mesma distancia unha mellor marca persoal de 1.25.09. Desta volta TES paraba o cronómetro en 1.24.98, establecendo así unha nova mellor marca persoal que supoñía ademais un novo mellor rexistro do clube dos 13 anos https://www.adfogar.com/records/records-atletismo-ad-fogar. Con esta marca Tesfayé clasificou noveno da súa categoría; resultados que podedes atopar no apartado descargas atletismo desta mesma web.