27 dos nosos triatletas acoden ao Dúatlon Escolar de Santiago

Mañá á mañán dispútase nos arredores do Estadio Municipal Verónica Boquete en San Lázaro, o XX Dúatlon Escolar Cidade de Santiago; proba clasificatoria para o Campionato Provincial da modalidade que se enmarca dentro do programa Xogade que promove a Secretaría Xeral para o Deporte da Xunta de Galicia. O evento comenzará coa saída da carreira benxamín masculina as 10:30 horas e estenderase ata a entrega de premios prevista para as 14:00 horas. Pola nosa banda concursaremos cun equipo formado por 27 triatletas das escolas de base que estamos a promover nos Concellos de Carballo e Oleiros, nenos e nenas de idades comprendidas entre os 9 e os 16 anos que competirán ao longo da mañá nas 6 carreiras da xornada. O regulamento da proba e a nosa inscrición podedes atopalos como documentos adxuntos a esta mesma noticia. Para más información podedesvos dirixir tamén a ligazón: http://fegatri.org/inscricion-xx-duatlon-escolar-de-santiago-23-03-2019/