3 Bronces e un meritorio 4º posto por clubs no Galego de Tríatlon

O pasado sábado día 13 de xullo de 2019 a localidade de Cedeira acollía o Campionato Galego de Tríatlon en Categoría de Menores (benxamíns, alevíns, infantís e cadetes) que contaba co concurso de 27 triatletas das Escolas de Base que a AD.Fogar promove en Carballo e Oleiros. Na cita autonómica os nosos triatletas facíanse cunha máis que meritoria cuarta praza conxunta por clubs despois de sumar 555 puntos e quedar a tan só 7 do Arcade Inforhouse que foi 3º. Os 3 pódios para os de Carballo e Oleiros eran de cor de bronce, Manuel Souto na categoría alevín e os equipos masculinos alevín (Souto 4º, Candal 9º, Alberte 13º e Rivas 17º) e infantil (Soto 4º, Otero 5º, Fontán 26º e Navarro 31º). Ademais as nosas 8 rapazas sumaban puntos moi valiosos para a clasificación xeral por clubs. Os resultados deste Campionato Galego de Tríatlon en Categorías Menores poden consultarse no apartado de descargas escola desta mesma web ou na ligazón federativa http://fegatri.org/wp-content/uploads/2019/07/TRIESCOLAR-CEDEIRA-2019-REV1-1.pdf