5 Récords do club para @s nos@s na Xornada Escolar de A Malata

O pasado sábado día 29 de marzo, nove d@s atletas das escolas de base da AD.Fogar de Carballo e Oleiros tomaron parte no 3º dos clasificatorios de Atletismo en Pista Escolar Xogade disputado na pista ferrolana de A Malata. Desta volta as mellores actuacións do club foron para, Iago Bello que bateu a mellor marca do club dos 13 anos nos 1.000 m.l. facéndose coa victoria na categoría sub 14; Leo Touré no lanzamento de disco, 7º sub 14 mellorando o rexistro dos 13 anos do club; Alba Suárez 24ª na altura sub 14 batendo o récord do club dos 12 anos; Alba Velo 29ª sub 12 nos 60 m.l. con mellor marca do club dos 10 anos; e a remuda mixta dos 4x60 m.l. alevín que foi 11ª con Unai e Xoel Alonso, Julia López e Alba Velo que bateron a mellor marca do club desta categoría. Outro dos destacados da xornada foi Marcos García, 5º nos 50 m.l. e 10º no concurso de lonxitude na categoría sub 10. Resultados que podedes ollear no apartado de descargas escola desta mesma web.