Hugo Souto e o novo subcampión galego alevín de Dúatlon Escolar

O pasado 17 de maio disputábase na localidade de Porto do Son, a Final Galega de Dúatlon en idade escolar deste 2019. Na proba, enmarcada dentro do programa Xogade que promove a Secretaría Xeral para o Deporte da Xunta de Galicia en colaboración coa Fegatri, tomaron parte 29 equipos da nosa comunidade que mobilizaron en torno aos 300 duatletas de base nas 8 carreiras da xornada. En canto á participación dos 15 deportistas de Carballo e Oleiros cabe mencionar a medalla de prata e o subcampionato galego de Hugo Souto Andújar na categoría alevín; o quinto posto de Sergio Soto Manteiga na categoría infantil e o sexto do equipo cadete masculino con Álvaro Elizalde Romero, Samuel Nuñez Souto e Lucas Lorenzo Parga. No apartado de descargas escola desta mesma web podedes consultar os resultados desta Final Galega de Dúatlon Escolar celebrada en Porto do Son; sen dúbida unha das máis rápidas dos últimos anos.