Mañá comeza en Oleiros a 20ª campaña deportiva da AD.Fogar

A AD.Fogar comeza mañá nas Instalacións Deportivas do Inef a súa vixésima tempada, avalada en Oleiros por 60 socios e 75 deportistas. Entidade a nosa dedicada á formación de base e a práctica competitiva da Natación e o Tríatlon en todas as súas modalidades e categorías, que esta tempada chega aos trinta anos de antigüidade en Carballo e aos vinte en Oleiros. O noso proxecto social e deportivo fundaméntase principalmente no esforzo alturista dunha directiva composta por 7 persoas, 2 delas oleirenses, á profesionalidade de 9 técnicos titulados dos que 3 traballan en Oleiros; e por suposto a paixón e a entrega das xeracións e xeracións de deportistas que pasaron polo club ao longo de todos estes anos. E aínda que nos resulte imposible facer mención á totalidade dos logros conseguidos por todos eles, debemos polo menos deixar constancia do importante legado de medallas conseguidas en campionatos nacionais, rexionais e provinciais, das convocatorias internacionais de seleccións e dos bolseiros en centros de tecnificación e adestramento que serviron de inspiración e exemplo doutros moitos. Se queres formar parte do noso proxecto non o dubides, contacta connosco.