O Concello de Oleiros subvenciona con 2.290e as nosas actividades

O Concello de Oleiros por acordo da Xunta de Goberno Local ven de conceder a Agrupación Deportiva Fogar da Xuventude e a súa Sección en Oleiros, unha subvención por valor de 2.290,15€ para a práctica deportiva federada da natación e o tríatlon dentro do marco da promoción e a difusión da cultura e o deporte neste Concello para o ano 2018. O obxecto da mesma e o de impulsar as actividades deportivas e xuvenís e potenciar as categorías inferiores ou de base atendendo a organización de actividades deportivas e a participación de equipos ou deportistas nas competicións federadas de carácter oficial. A concesión desta subvención fixose en réxime de concorrencia competitiva baixo os principios de publicidade, obxectividade, transparencia e igualdade. Dende a Agrupación Deportiva Fogar presentamos un orzamento de gastos de 48.300,00€ e solicitamos unha axuda por valor de 6.000,00€. O Concello de Oleiros repartíu finalmente unha contía total de 268.363€ entre 63 entidades deportivas sen ánimo de lucro. O prazo de xustificación finalizará o día 31 de xaneiro de 2019.