Oito dos nosos triatletas acoden á Final Galega do Nada e Corre

O vindeiro domingo día 7 de abril tomaremos parte en Ribeira na Final Galega do Nada e Corre, para o que acadaron a súa clasificación 8 triatletas das Escolas de Base que dende a AD.Fogar promovemos nas localidades de Carballo e Oleiros. Diego Souto na categoría prebenxamín masculino, David Vázquez na benxamín, Hugo e Manuel Souto na alevín, Alejandro Fontán, Rubén Otero e Sergio Soto na infantil e Andrés Prieto na cadete. A xornada comezará coas probas cronometradas de natación as 10:00 horas e pechará coas carreiras a pé que darán comezo sobre as 12:30 horas. Na seguinte ligazón federativa podedes atopar toda a información relativa ao evento http://fegatri.org/inscricion-final-galega-nada-e-corre-riveira-07-04-2019/; e na documentación adxunta a esta mesma nova tedes tamén a vosa disposición a normativa da proba, a nosa inscrición e a listaxe de saídas das probas de natación.