Once triatletas da ADFogar corren mañá o Cros dos Menhires

Mañá sábado día 26 de xaneiro de 2019, once triatletas de base das Escolas de Tríatlon que a AD.Fogar promove nos Concellos de Carballo e Oleiros, correrán en horario matinal e nas inmediacións da Torre de Hércules na Coruña, a Fase Intercomarcal do Campo A Través Escolar do Programa Xogade. Para a cita lograron a súa clasificación na fase previa de Sada: Catalina García da categoría benxamín, Óscar Alberte da alevín, Manuel e Hugo Souto da infantil e Marta González, Alejandro Fontán, Pedro López, Rubén Otero, Sergio Soto, Ramón Sarmiento e Roberto González da cadete. A normativa da proba e a inscrición dos triatletas da AD.Fogar e as súas seccións en Carballo e Oleiros están dispoñibles como arquivos adxuntos a esta mesma noticia.