Ouro e bronce dos nosos mestres no Campionato Galego de Fondo

O pasado domingo día 20 de marzo, a Piscina Municipal de As Pozas en Mos acollía en sesións de mañán e tarde, o Campionato Galego de Fondo e "XIII Memorial Gerardo Steudel" para a categoría Máster; proba que contaba coa presenza de 17 equipos e o concurso de 108 nadadores e nadadoras da nosa comunidade, 62 homes e 46 mulleres. No mesmo os nosos dous únicos representantes acadaban un botín de dúas medallas, unha delas de ouro e a outra de bronce. Julio Martínez facíase coa medalla de ouro na categoría +50 anos na proba dos 15000 metros libres e César Pose gañaba o bronce na categoría +35 anos na mesma distancia dos 1500 metros libres. Na clasificación por equipos masculinos os representantes de Carballo e Oleiros foron 10º. Os resultados dos nosos Mestres neste Campionato Galego de Fondo poden consultarse no apartado de descargas máster desta mesma web.