Rudy Palamedi Campión da Copa de España Máster de Augas Abertas

Os nadadores da AD.Fogar, Miguel Abelenda da categoría infantil e Rudy Palamedi da máster, tomaron parte a pasada fin de semana na Etapa Final da Copa de España de Natación en Augas Abertas celebrada no Anillo, en Cáceres. Miki que formou parte do combinado Galego rematou a proba na 5ª praza infantil sendo ademais o primeiro galego en completar os 5 quilómetros en 1 hora, 3 minutos e 17 segundos; a tan so 1 segundo do 4º clasificado. No que a Rudy respecta decir que gañaba con total autoridade esta última etapa e remataba así a súa participación nesta Copa de España de Augas Abertas como campión da categoría máster de 60 a 64 anos. Rudy nadou os 5 quilómetros en 1 hora, 16 minutos e 44 segundos aventaxando ao segundo clasificado en 2 minutos e 43 segundos. Rudy que xa fora este ano subcampión de España Máster de Augas Abertas no Lago de Banyoles en xuño, suma un novo éxito ao seu brillante palmarés e a o do equipo máster da AD.Fogar gañando agora o circuito nacional. Os resultados da etapa final de Cáceres e a clasificación desta V Copa de España de Augas Abertas están a vosa disposición nos apartados de descargas natación e máster desta mesma web.