Miguel Abelenda viaxa hoxe ao Nacional Infantil de Xixón

Miguel Abelenda Pérez e o seu adestrador Héctor García Soto, desprázanse hoxe a Xixón con motivo da disputa en terras astures do XXXIX Campionato de España de Natación Infantil de Inverno que se celebrará nas instalacións do CN. Santa Olaya desde mañá, día 14 e ata o vindeiro domingo día 17 de marzo. Este nacional infantil contará coa presenza de 190 clubs e 485 deportistas, 255 mozos e 230 mozas. O noso único representante nadará neste seu segundo Campionato de España, a proba dos 1500 metros libres e farao na xornada de mañá cara ás 17:20 horas. Toda a información relativa ao XXXIX Campionato de España de Natación Infantil de Inverno de Xixón podedes atopala na seguinte ligazón https://rfen.es/es/section/inatacion-infantil-invierno