13 dos nosos nadadores tomarán parte no Memorial Juan Varela

Mañá sábado día 4 de maio de 2019, 13 dos nosos nadadores (4 mozas e 9 mozos) desprázanse a Ferrol con motivo da disputa do XXXIX Memorial Juan Varela, que baixo a organización do CN.Marina Ferrol mobilizará en sesións de mañán e tarde a 17 clubs e 226 nadadores, dos que 117 son homes e 109 son mulleres. En canto ao concurso dos nosos comentar que tomarán parte en representación feminina, Nana Suárez e Laura Martínez da categoría infantil, Nerea González da júnior e Elisa Pichel da sénior; e na masculina farano os infantis Daniel Pardo e Miguel Abelenda, os júnior Alejandro Méndez, Angel Tomé e Pedro Fraga, e os sénior Pablo Negreira, Manuel Verdes, Xoan Toja e Carlos Iglesias. Adxuntamos a esta mesma nova a convocatoria coas probas dos nadadores e nadadoras de Carballo e Oleiros. Ademáis na seguinte ligazón https://memorialjuanvarela.blogspot.com/ podedes ampliar a información relativa ao trofeo ferrolán.