47 Nadadores acoden mañá a 2ª Toma de Tempos da AD.Fogar

47 Nadadores (19 homes e 28 mulleres) acoden mañá a Carballo á segunda Toma de Tempos Oficial da tempada que promove a AD.Fogar grazas a colaboración do Concello de Carballo e Carballo Deporte; 14 destes nadadores pertencen ao Club do Mar de San Amaro, 9 ao Cidade de Santiago, outros 2 ao Sporting Club Casino da Coruña e os 22 restantes á AD.Fogar de Carballo e Oleiros. A sesión, que comezará ás 17:00 horas tras a quenda de quecemento previo de hora e media, supón a última oportunidade de acadar mínimas para o Campionato Galego Alevín de Verán que se celebrará na Piscina Municipal Rosario Dueñas, en Ourense, os vindeiros 29 e 30 de xuño de 2019. A orde de probas da xornada será a seguinte: 200 estilos, 100 braza, 200 costas, 50 libres, braza e bolboreta, 100 costas, 200 libres, 50 costas, 100 estilos e bolboreta, 200 braza, 400 libres e estilos, 800 e 1500 libres, 200 bolboreta e 100 libres nas categorías feminina e masculina. Nos arquivos adxuntos a esta mesma nova tedes á lista de saídas de mañá e a convocatoria cas probas dos  nadadores e nadadoras da AD.Fogar de Carballo e Oleiros.