A Coruña e Cervo as citas desta fin de semana para os nosos

Mañá os da AD.Fogar de Carballo e Oleiros poñeremos en liza a 33 dos nosos nadadores e nadadoras, 26 da categoría alevín e 7 da infantil, júnior e absoluta. O equipo alevín do Fogar tomará parte na Piscina Municipal de Riazor en A Coruña, na derradeira xornada da Liga Galega co obxectivo de manter a 13ª praza que están a ocupar entre os 30 clubs galegos que conforman a categoría. Nesta sexta rolda ligueira nadaránse as probas individuais dos 100  metros costas e braza, os 200 e 400 metros libres e os 400 metros estilos, ademáis das substitucións por equipos dos 4x50 metros libres mixtos. 
Por outra banda 7 dos nosos nadadores infantís, júniors e absolutos tomarán parte en Cervo, na Toma de Tempos Galaico Astur que organiza o CN.Xove, proba incluída no calendario oficial de competicións válidas para refrendar mínimas nacionais. Na documentación adxunta a esta mesma nova dispoñedes das nosas convocatorias e das listas de saídas destas dúas citas.