Alba, Carlos e Noa compiten no Nacional Infantil de Inverno

@s nos@s infantís, Alba Lamas (2011), Carlos Casal (2010) e Noa Ferreiro (2011), atópanse xa en Pontevedra competindo no XLIV Campionato de España Infantil de Inverno que comezou hoxe na pileta do Complexo Deportivo Rías do Sur con 184 clubs e 454 nadadores-as de 14 e 15 anos en liza. Na xornada de hoxe Carlos nadou a final infantil conxunta dos 50 braza rematando na 14ª praza dos de 15 anos. No que respecta as rapazas, Alba Lamas foi 22ª conxunta e 8ª das de 14 anos nos 200 costas e Noa Ferreiro 31ª conxunta e 19ª das de 14 anos nos 400 libres. Desde mañán e ata o domingo, Carlos nadará tamén os 100 e 200 braza, Alba os 50 e 100 costas e os 200 estilos e Noa os 100 e 200 libres.