Curso de Árbitros e Cronometradores en Carballo

A Federación Galega de Natación e o seu Comité Galego de Árbitros, organizarán en Carballo un Curso de Árbitros e Cronometradores en colaboración co Concello de Carballo, Carballo Deporte e a Agrupación Deportiva Fogar da Xuventude. O curso celebrarase o sábado día 13 de outubro do 2018 nas instalacións do FÓRUM desde as 11:00 horas. O prezo do mesmo é de 20 euros e inclúe o custo do curso e a licenza federativa, importe a abonar o mesmo día do curso; diñeiro que se recupera nunha soa competición xa que a Federación Galega de Natación paga un mínimo de 20 euros por unha sesión de dúas horas e media. O único requisito esixido aos posibles interesados é ter cumpridos os 16 anos e presentarse cunha copia do seu DNI. As inscricións poden formalizarse na sección de contactos desta mesma web indicando o nome e apelidos, o correo electrónico e deixando constancia como Inscrición Curso Árbitros 2018.