Este mes arrincaron as ligas de idades con moi bos resultados

Logo da 1ª xornada preliminar da Liga Galega de Clubs disputada no mes de outubro, ao longo deste mes de novembro arrincaron tamén as Ligas Galegas de Natación nas categorías benxamín, alevín, infantil e máster con moi boas marcas para @s nos@s nadadores-as. Na 1ª xornada alevín do día 15 celebrada na Municipal de Riazor, Ivan Casal bateu os mellores rexistros do club de 11 anos nos 100 costas (1'16''38) e os 400 libres (5'09''59) e Sara Ríos o de 12 anos dos 200 braza (3'00''81). Onte na Carballo Calero con motivo da disputa da 1ª xornada da liga infantil e júnior de primeiro ano, Carlos Casal mellorou os rexistros do club dos 15 anos nos 100 estilos (1'02''82) e os 400 estilos (4'45''29) e Pedro Caamaño o de 14 anos nos 50 libres (0'25''63). O día 16 en Arteixo arrincaron tamén @s másters con Isabel Pereira batendo as marcas do club de +65 anos nos 50 braza, e nos 50, 100, 200 e 400 libres e Víctor Tato o dos 400 libres +45 anos. Resultados que podedes atopar no apartado de descargas natación desta mesma web.