Martín López bateu en Barcelona o récord absoluto dos 50 braza

O pasado domingo día 16 de novembro, Martín López Franco (2001) representóunos no LXVIII Campionato de España de Natación Absoluto Open P25 celebrado na Nova de l´Escullera de Barcelona con 143 equipos e 638 nadadoras e nadadores en liza. O da AD.Fogar nadou as eliminatorias da proba dos 50 metros braza acadando unha mellor marca persoal de 0:28''73, tempo co que foi 25º nunha proba de altísimo nivel na que se bateu o rédord de España cun tempo de 0:26''27. Nesta ocasión Martín bateu tamén o récord absoluto do club en piscina curta que el mesmo posuía. Resultado que podedes atopar no apartado de descargas natación desta mesma web.
Por outra banda o vindeiro sábado día 22 de novembro, 21 d@s nos@s nadadores-as infantís e júniors de primeiro ano tomaran parte na 1ª xornada de liga na Municipal Carballo Calero. A proba reúne en Carballo a 8 equipos e 105 nadadores-as; o Cidade de Santigo con 26, o Galaico con 25 e o Fogar con 21 somos os equipos con maior número de deportistas en liza. Nesta primeira rolda nadaránse os 100 e 400 m estilos, os 50, 200 e 1500 m libres, os 100 m bolboreta, os 50 e 200 m costas, os 200 m braza, e a remuda dos 4x100 m libres. No apartado de descargas natación desta mesma web podedes consultar a convocatoria d@s nos@s e a lista de saídas da xornada carballesa.