Miguel Abelenda acode ao GES e ao Galego de Longa Distancia

Hoxe preséntase no Centro Galego de Tencificación Deportiva (CGTD) de Pontevedra o programa GES no que tomará parte Miguel Abelenda Pérez (2004), que ven de ser convocado por segundo ano consecutivo. Este Grupo Especial de Seguimento ten como obxectivos, o apoio na formación dos xóvenes nadadores para un futuro desenvolvemento competitivo, e tamén a actualización continua dos seus adestradores, aproveitando a estrutura do CGTD de Pontevedra para levar a cabo distintas sesións de adestramento ao longo da tempada. A sesión de hoxe que empeza as 17:30hs inclúe unha reunión inicial duns 30 minutos, cos deportistas, os seus pais e os seus técnicos, para informarlles do desenvolvemento da actividade. A continuación realizarán unha primeira sesión de adestramento de 18:00 a 19:30hs. Podedes consultar toda a información sobre o programa a través da ligazón https://www.fegan.org/post/2.

Ao remate da concentración Miki desprazarase ata Ponteareas para nadar mañá a XV Edición do Campionato Galego de Longa Distancia en Piscina que coincide coa fase territorial de carácter clasificatorio para o XVII Campionato de España da modalidade, proba que se disputará o 23 de febreiro de 2019. Miki tomará parte na categoría infantil nos 2.000 metros libres, distancia na que parte coa terceira mellor marca dos 22 nadadores inscritos. Todo o referente a este Campionato Galego de Longa Distancia en Piscina podedes consultalo na ligazón federativa https://www.fegan.org/post/1995​​​​​​