O Club do Mar de San Amaro acolle a 2ª rolda da Liga Benxamín

O vindeiro sábado día 15 de decembro de 2018 as instalación do Club do Mar de San Amaro, na Coruña, acollerán en horario de tarde a segunda xornada da Liga Galega Benxamín. A espera da publicación da clasificación provisional por parte da FEGAN tras a primeira xornada, os da AD.Fogar de Carballo e Oleiros desprazaremos a esta segunda cita a un total de 25 nadadores e nadadoras de idades comprendidas entre os 9 e os 11 anos; dos que 10 pertencen á categoría feminina e os 15 restantes á masculina. Nesta segunda rolda ligueira nadaránse as probas individuais dos 50 metros nos estilos costas e bolboreta e os 100 metros costas, ademais das remudas por equipos dos 4x50 metros libres masculino e feminino e 4x50 metros estilos mixtos; en confrontación directa cos equipos do ADT.Oleiros, CN.Arteixo, CN.Casino, CN.Coruña, Club do Mar, CN.Culleredo, CN.Hércules e CN.Liceo. Achéganse a esta noticia tanto a convocatoria de probas dos nosos, como a listaxe de saídas da xornada.