Seis medallas e un récord do clube para @s nos@s en Ourense

Os pasados 8 e 9 de febreiro catro d@s nadadores-as da A.D. Fogar tomaron parte no Campionato Galego Júnior de Inverno e a Copa Galega Sénior celebrados na Piscina Municipal Rosario Dueñas de Ourense con 27 clubs e 289 nadadores-as en liza. @s nos@s júniors callaron unha boa actuación rematando na 13ª praza feminina, a 17ª masculina, e a 15ª conxunta por equipos, ainda sen a posibilidade de nadar as remudas. As seis medallas do campionato foron desta volta para Anxo Fuentefría de 16 anos (4), ouro nos 200 braza e estilos e prata nos 100 braza e os 400 estilos; e tamén para Valeria Rodríguez de 16 anos (2), ouro nos 50 braza e bronce nos 50 costas. Compre destacar tamén a 6ª praza de Carla Mourelle nos 100 braza na categoría conxunta das mozas de 17 e 18 anos; e tamén os 2º postos de Martín López nos 50 e os 100 braza da Copa Galega Sénior na que só se premia @s mellores nadadores-as por puntos WAQ. A mellor marca do club batéuna Anxo Fuentefría de 16 anos na proba dos 200 braza. Resultados que podedes atopar xa no apartado de descargas natación desta mesma web.