Yoel Suárez atópase en Palma de Mallorca coa Selección Galega

Yoel Suárez ven de ser convocado pola FEGAN para tomar parte no X Campionato de España por Federacións Territoriais Júnior e Infantil en Palma de Mallorca. A proba celebrase sen a presenza de público do 11 ao 13 de febreiro na piscina municipal Son Hugo baixo a organización conxunta da RFEN e a Federación Balear de Natación. O noso nadador forma parte do combinado galego da categoría júnior e competirá nas probas individuais dos 100 libres e os 100 e 200 braza e en función do programa de probas e a marcha do equipo masculino estará ao dispor dos adestradores encargados do grupo para nadar tamén as probas de substitucións por equipos. O equipo galego júnior confórmano 5 nadadores, outras 5 nadadoras e 2 técnicos: Luisa Domínguez (Adestradora do CGTD) e Jaime López (CN.Fluvial Lugo). No apartado de descargas natación desta mesma web pódese consultar ao detalle a convocatoria galega.